Moldova Milli diviziyası adamnar arası basketbol çempionatı başarıldı. Yarışmanın son oyunnarı 8-cidän — 1-ci erädän geçirildilär.
Herbir oyunda komandalar kendi daavalarını gerçekledilär. 8-ci hem 7-ci erlär için oyun sırasında Komradın «Komrat Horses» takımı Kişinövun «Gloriya» takımını sayıylan 90:82 ensedi. “Komrat Horses” takımı 7-ci erä çıktı, Kişinövun «Gloriya» takımı-8-ci eri kazandı. 5-6-ci erlär için güreştilär «Anatolii Pervanciuc Moldova» sport akademiyasının takımı hem «UTM-Politeh», sayıylan75:73 ensedi «Anatolii Pervanciuc Moldova» takımı. 3-cü, 4-cü erlär için oyun Belţı «Basco» hem Çadır-Lunga «CBA Basket» takımnarın aralarında 3 oyun süresindä geçti. Bitkidä Belţı «Basco» kazandı 3-cü eri, Çadır-Lunga «CBA Basket»-4-cü erdä. Çempionadın en önemni oyununda meydana çıktılar Çadır-Lunga «Çadır Basket» hem Soroka «Soroka Basket».
«24-25 Sezonu bizim takımımıza deyni istoriya olayı oldu. Biz devlet kuboonu kazandık. Biz 35 oyun oynadık. Kolay diildi, ama biz bütün kuvedimizi koyduk da en üüseklää çıktık. Herbirimiz savaştı, herbir adım bizä deyni önemniydi»,- Pötr Lülrnov söledi.
Moldova çempionu adını kabletmesininnän oyuncuları kutladı Gagauziya Gençlik hem sport bakanı da.
«Bizim oyuncular gösterdilär pek üüsek uuru da kazandılar Devlet çempionu adını. Çok kuvet koydular hem oyuncular, hem klubun öndericisi Georgiy Kioroglo. Biz pek sevineriz bu ödülä»,- nışannadı sport bakanı.
Çıkışlara görä «Çadır Basket» ilk erdä, «Soroka Basket» 2-ci er.
Avtor: A. Terzi, operator: V. Kıssa, montaj: M. Kazaku
Moldovanın hem Gagauziyanın en mekalı haberleri GRTnın Telegram kanalında!