Kazayak küüyün liţeyindä geçti «Büülü tarla» intelektual oyunu. Burada pay aldılar üürenicilär 11-ci — 12-ci klaslardan. Oyun baalı oldu Gagauz dili yortusuna. Baş temasıydı — gagauz halkın adetleri.
Üçär üürenici üç keret sıraycasına tanıdılar saklı lafları, angıları baalıydılar gagauz halkın adetlerinnän hem kulturasınnan. Kazayak liţeyin gagauz dili üüredicisi Elena Kol söledi bölä olayların önemnii için.
«Düşündük da bölä geçirdik, ani uşaklar, kim bilmeer, taa çok tanışsınnar adetlärlän, işitsinnär pak gagauz sözünü hem utanmasınnar lafetmää gagauz dilindä»,- Elena Kol söledi.
Ayırı bir durumu bu oyunda kurdu eksponatlar, angılarını herbir pay alan getirdi oyuna. Onnarın arasında türlu eski tertiplär, angılarını kullanarmışlar bizim dedelerimiz. Bu eksponatlar liţeyin muzeyindä olaceklar. Oyunun pay alannarı kendi duygularını açıkladılar.
«Pek sevindim, ani taradım ilk raundtta»
«Benim adım Kuyujuklu Pavel, üürenerim 12-ci klasta, pay aldım bölä gözäl oyunda. Pek severim ana dilimi».
Oyunun çıkışlarına görä taradı Arina Mandaji. O gösterdi üüsek bilgileri.Olaylar, adalı gagauz dili yortusuna, geçirilerlär Avtonomiyanın herbir üüretmäk kurumnarında.
Avtor: A. Karapirä, operator hem montaj: L. Arfonos
Moldovanın hem Gagauziyanın en mekalı haberleri GRTnın Telegram kanalında!