Kendi raportunda başkan Evgeniya Guţul annatı kendi komandasının yaptıkları için, soţial hem ekonomika sferasında başarılmış infrastruktura proektleri için annattı. O nışannadı, ani bir yılın içindä oldu başa çıkarmaa türlü düzmäk proektlerini: yolların kurulması hem okullarda hem bolniţalarda örtü düzmesi. Başkan söledi, ani bu yılın hepsi düzülmüş yolların uzunnuu oldu 50 kilometra.
«Benim komandam geldi herbir küüyä hem buluştu herbir yaşayannan. Lafederäk insannarlan sokaklarda, onnar söledilär prost yollar hem trotuarlar için. Bundan sora, nicä bän oldum başkan, biz geniş bir yol düzmäk programasını başladık»,- Başkan Evgeniya Guţul annattı.
Raportta ayırı bir pay aldı soţial soruşların annatması. Başkan söledi, ani pensionerlar hem büdjet sferada işleyän insannar artık kablederlär aylık ödemekleri.
«Biz tuttuk kendi lafımızı da çekettik vermää pensionerlara hem büdjet sferada işleyan insannara aylık 2000 lei ödemekleri.Biz atılmadık soţial hem ekonomik programalardan, bu vakıdın içindä hep ölä uşak duuma için yardımları ödärdik, hep ölä veriler kompensaţiyalar, okullarda uşaklar ödeksiz iyerlar, hepsi programalar hem üüretim grantlar zamanca veriler. Geçän yılın sonunda büdjeta geldi 1 mlrd 600 mln lei. Yaraştırarsak başka yıllan bu 265 milyon leya taa çok.
Bu yılın içindä uşaklara deyni düzüldü 20 oyun erleri, enidildi türlü soţial proektlar, diişildi 16 üüretim kurumunarin örtüleri. Nicä nışannadı Halk Topluşun başı Dmitriy Konstantinov bu proektlar çıkȇrlar başa, çünkü Halk Topluşu hem Bakannık Komitetı birliktä çalışȇrlar»,- annattı başkan.
Hepsi proektların arasında en büük oldu uşaklara deyni attrakţion parkın kurulması.
«Gagauz-Land parkın açılması geçecek yakın vakıtta; bu halizdän bir açık hem büük olay olacak. Hepinizi teklif ederim pay alarsınız hem katılarsınız ona»,- nışannadı Guţul.
Başkanın çalışması için bir yılın içindä söledi Moldova Parlamentın deputatı Aleksandr Suhodolskiy.
«Evgenia Alexandrovnanın çalışması için yakışȇr solelim er bakarsak onun yaptıklarına, bakarsak halizdän o işlerä, angılar kurulmuş geçän yılın içindä. Onnarın sayısı büük. Büün da başkanın raportunda bunu gördük; düzüldü eni yeni yollar. 50 km taa zeedä, var çok kaavi programalar. Ama en üüsek onnarın arasında pensionerlara hem büdjet sferada işleyan insannara aylık 2000 lei ödemekleri. Bizim baskanimiz kableder destek başka devletlerdän da»,- söledi Moldova Parlamentın deputatı Aleksandr Suhodolskiy.
Avtonomiyanın başı çizgiledi, ki dikat olȇr işbirlikerä dış partnterlarlan da. Bölä, başkan olarak Evgeniya Guţul yaptı vizit Rusiyaya hem Turkiya respublikasına.
«Bizim var kontaktlarınız Turkiya Respublikaylan hem onun kuvetlerinnän. Сeviz ayında biz buluştuk bu devletin dış işleri ministerliin başınnan Hakan Fidannan. Bu toplantının sonunda türk tarafı nışannadı ani ötää da dooru destekleytecek Gagauziyayi hem kardaş Gagauz halkı»,- dedi Başkan.
Gagauziyanın başkanı çizgiledi problemarı, da angılarınnan o karşı geldi. Onnarın arasında NDS soruşu da. Sonuçta Konstituţiya daavası kararladı ani gagauziya ekomika agentlarinä NDS devletin büdjetindän çevirilsin lääzım.
«Kuvetleri birleştirip hem barabar işlärkan biz yaptık, ani büdjet paraları dooru paylaştırsınnar»,-ekledi Evgeniya Guţul.
Guţul başarıları için annatı başkanın yardımcısı İlya Uzun da.
«Başarısızlıklar da olȇr kimär kerä, ama o gider ileriya dooru, üürener, çıkışları yapȇȇr da gösterer işini. Saylar, angılar için o söledi üüsek. Bu gösterer ani iş gider hem iş yapılȇr insannara deyni»,- nışannadı İlya Uzun.
Nışannanmış proektlardan kaarä bir yılın içindä başkan dikat oldu kultura, üüretim hem sport sferasına da. Geçirildi yortu üüredicilerä hem uşaklara deyni, ilk sira geçirildi Dolu sofrasi festivali. Sportçular gösterdilär kendini Başkan Kuboo yaraşmaklarda, geçirildi yortu Ana dilimiz adanmış gagauz dilin ilerletmesinä. Toplantının başında Evgenia Gutsul şükür etti komandasını hem yaşayannarı destek için.
