Üüredicilär Turkiye devletindän, angıları Komratta Erasmus+ programasına görä bulundular, KDU-dä kolegalarınnan bilgilärlän paylaştılar. Onnar agrar fakultetin studentlerinä açık lekţiyaları geçirdilär. Bu takım bir derstä GRT çekim grupası da bulundu.
Ali Coşkan, agrar fakulteti profesoru, İsparta, Turkiye: «İlişkilär KDU taa 2011 yılda başlandılar. Büün burada İspata universitetin temsilcisiyim. İlişkilerimiz bilim hem üüretim bölümnerindä var. Savaşȇrız barabar proektlerä KDU katılmaa hem desteklemää».
KDU agrar-tehnologiya fakultetin dekanı Sergey Kara nışannadı, ani bu takım programalarda, nicä Erasmus+ pay almak lääzımnı üüretim proţesin ilerlemesi için. Temalar da, angılarını üüredicilär açık lekţiyalarda açıklȇrlar, taa ileri taraflarlan laflanȇr. Taa sık, bu aktual soruşlar, angıları meraklandırȇr hem üüredicileri, hem studentleri.
«Bizä elbetki agrar fakultetindä meraklandırȇr ne eni agrar sektorunda olȇr. Göreriz, ani herbir üüredici kendi bölümünü götürer. Hepsi onnar innovaţiyalar için annadaceklar, angıları Türkiye devletindä giriştiriler. Bu pek faydalı, neçinki studentlär diil sade Moldova agrar bölümün durumunu lääzım bilsinär, ama başka devletlerin bilgilerini dä kullansınar»,- Sergey Kara nışannadı.
KDU agrar fakultetin studentlerini meraklandırȇr eni bilgilärlän toprak, hayvancılık, malların kullanılması hem çiftçilik uurunda ekonomika.