Moldova devletindä ilerleer soţial ödemeklerin verilmelerin modernizaţiya sisteması, da yaşayannarın genä bir boyu kablederlär posobiyaları poçtanın yardımınnan. Gagauziya Soţial sigortalamak kasasının öndercisi Praskovya Karaivan annattı, nicä büün çalışȇr posobiya sisteması, angısına girerlär uşaklara da ödemeklär.
Uşaklara deyni posobiya vermäk proţedurası şindän sora birkaç yıl avtomat uurunda çalışȇr, haberledi Gagauziya Soţial sigortalamak kasasının öndercisi Praskovya Karaivan, GRT «Dialog v studii» programasında.
«Şindän sora birkaç yıl, nicä biz kablederiz elektron informaţiyayı ICP — dan, uşakların duuma günnerinnän hem da yıllarınnan, da elbetki elektron sisteması bizä verer informaţiyayı, angısına görä avtomat rejımında gider çıkışların kabledilmesi, saymak için uşaklara posobiyaları»,- dedi Praskovya Karaivan, Gagauziya Soţial sigortalamak kasası öndercisi.
Ölä yaklaşmak verer kolaylık, deyni ana — bobalar enidän danışsınnar hem da dokumentlerin doldurmalarını kolayladȇr. Büün hepsi soţial ödemekleri geçerlär MPay ţifra platformasına.
«Hepsi ödemeklär, hepsi finanslar geçirilerlär insannarın slotlarına. Yada, erli insanın var bank kartası, ozaman ödemeklär giderlär poçtaya. Posta Moldovei büün geçirer hepsi soţial ödemeklerini»,- dedi Praskovya Karaivan.
Diil çoktan hükümet kabletti kararı, angısı kontrol edecek ödemeklerin sıralarını poçta bölümnerindä.
«Da bakarak bu karara, hepsi ödemeklär , angıları ödeneceklär Posta Moldovei bölümündän, onnarı kabledämeyeceklär. Da sora deyni enidän çalıştırmaa bu ödemekleri, insan lääzım olacek gelsin Gagauziya Soţial sigortalamak kasasına danışmaklan onnarın enidän çalıştırılmaları için»,- dedi Karaivan.
Gagauziya Soţial sigortalamak kasasında nışannȇȇrlar, ani bölä ölçülerä görä olȇȇ taa açık sayı, verärkän soţial yardımnarını. Millet Soţial sigortalamak kasasının haberlerinä görä, geçän ay verildilär posobiyalar onnarlan milion ley, angıları uşakların duumalarınnan, analar için posobiyalar, posobiyalar bir parça vakıt işlämemäk için. Soţial ödemekleri, angıları verilerlär Posta Moldovei bolümünnän, kalȇrlar sistemanın önemni tutturmak ȇlementi gibi, may alez küülerin, rayonnarın yaşayannarı için, angıları kullanmȇȇrlar banka koşullarını.