Komratta ilerlener regional şahmata okulu- onun üürenicilerin sayısı zeedelener, hem da vtrenerların sayısı büüyer, terbiedenenri da türlü yaraşmalardan medalilärlän geeri dönerlär nışanner üüretmek kurumun administraţiyası. Ama uşakalrın angılar şahmatalara oyneerlar analar-bobalar söleerlär ani barabar başarlarlan peydalandı problema da- okulda etişmeer odalar derslerin geçirmesi için. Trenirovkalar birkaç smenaya geçerlär. Neçin okula lääızm yapı hem odalar üürendi Nat. Andrieş.
Komrat kasabasının regional şahmata okulunda 150 uşak üürener, dersleri 8 trener götürer. Şkola kazandı başarları respublikan yaraşmalarda nışanner şahmata okulun başın işini götürän Andrey Dimitroglo: « Biz oldul regional okullan, finanslamayı respublikadan kablederiz. Da bunun için bizä çok uşak geler. Bir yıl geeri bizdü vardı 60-70 uşak şindi 150 var. Trenerlar dazeedelendi. Vardı 4 oldu 8. İslää çıkışlar var bizdä, çok medali kazandık».
Ama kabledilän çıkışlar çözmeerlär problemayi odaların etişmemezliinnän baalı söler Andrey Dimitroglo. Okulun administraţiyası trenirovkaları birkaç smenaya görä geçirer bu geç vakıtta da oler neydän zorluk çekerlär hem üürenicilär hem üüredicilär nışanner başın işini götürän Andrey Dimitroglo: « Trenirovka proţesindä çok zorluk var. Bizä sıra geler sabaaylen geçirmää dersleri, üülendä hem avşamnen saat 4-ttä. Kimär sıra saat ltıdan sora avşamenn da saat dokuzadan avşamnen işlemää uşakalrlan neçin ki kabinet etişmeer. Barabar bununnan bizim yanımızda dfurer yapı Kotovskogo 180 nezaman sa burada 3-cu şkolaya vardı. Durer yapı da depozit uurunda kullanıler. Nicä biz bileeriz bölä depozitlär var bolniţanın teritoriyasında çok var. Da tutmaa yapıyi depozit gibi ama üüretmemää orada uşakalrı hem türlü turnirlerti orada geçirmää bu günää. Bu olaceydi ii diil sade region için ama bütünnä Moldova devleti için da».
Trenerlar urgulerlar ani kaliteli üüretmäk hem üürenmäk baalı koşullara angıalrında uşakalr bulunerlar.
«Bän iki yıl geeri annadım ani izmeti temsil ederiz. Analar bobalar para vererlrä da bizi bakerlar. Bän nicä berber yada başkası izmetleri temsil ederim. Hem da kaliteli izmetlär baalı ona nesoy koşullar olaceklar. Bizim önümüzdä var yapı. Biz taa ilktän istärdik o olsun şahmata merkezi. Da bunu geçän ispolkom annadı da verdi bizä bu odaları. Biz burayi girdik 2023-cü yılda»,- nışannadı trener.
Yapının lääızmnı için söleerlär başka trenerlar da. Gün- gündän okula eni üürenicilär gelerlär ama turnirlerin vakıdında soruş yapı için oler taa aktual nışanner Sergey Bargan: «Bizä çokta lääızm yapı. Makar k ida bizdä çok becermek yok ama lääızmnık var neçin ki hergün uşakalr gelerlär. Biz herzaman turnirleri geçireriz angıalrına çok uşak katıler da bizä er etişmeer nereyi onnarı oturtmaa. Dışarda bunu yapömacan. Biz kendi salaları kullanerız nesoy sa çıkışları bulerız. Trenerlar diişerlar olmasın biri- birinin üstüna derslär. Bizä lääızm yapı».
Saalıı korumak bakannıında urguladılar ani 3-cu şkolanın yapısını depozit gibi kullanmeerlar.
«Bu diil depozit. Bu 3-cü şkolanın yapısında saalıı korumak bakannıın arhivi. Hep burada giderlär işlär da burada bulunacek soţial izmetlerin birisi hem üüretmek merkezi olacek soţial sferaların uzmananrı için diil sade saalıı korumak bakannıından ama başka strukturalardan da»,- nışannadı Alöna Kozar saalıı korumak bakannıın başın yardımcısı.
Regional şahmata okulun öndercilii hem trenerlar umutlanerlar ani gelän vakıtta karar bulunacek angısı verecek kolaylık uşakalra uygun koşullarda üürenmää hem şahmataya oynamaa hem şahmataları regionda ilerletmää.