Kıpçak küüyündä adetçä Kolada yortusuna baalı konţert geçti. Onu hazırladılar hem geçirdilär klisä okulun üürenicileri hem insannar, kim kliseyä gider. 

Sţenadan teklif edildilär  Iisus Hristozun Duumasına baalı göstermelär, oyunnar hem türkülär — gagauz, rus, romın dillerindä. Programada hep ölä da açıklandılar gagauz halkın Kolada adetleri hem tradiţiyaları. Kendi duygularınnan paylaştılar siiredicilär.

«Pek beendim,çok şükür ederim Allaha, ani yardımcı oldu bizim klisä izmetçilerinä, uşaklara — analar-bobalar yardın eder — bizim kendimizin iki unukamız  pay alȇr — pek sevineriz — onnar horda çalȇrlar — bölä oldu — bän nicä bilerim kendimi — 4-5 yıl hep geleriz konţertä — pek gözäl — pek üüremizä yakıştı, ani uşaklar ölä duygu vererlär bizä — şükür ederim Allaha, olsun uygunnuk, uşaklar pay alsınnar — bizi sevindirsinnär».

«Bu gün savaşȇrız hep gelmää — nekadar yapȇrlar  — saa olsunnar bizim klisä izmetçileri — onnar büünkü günä deyni bizim uşaklarlan pek büük iş yapȇrlar — uşakalr açȇrlar üüremizi — büük onnara saa ol».

Renkli hem şıralı giimnär, dekoraţiyalar — hepsi onnar klisä okulun arhivi — onnarĩn yardımınnan da kuruldu yortulu hem din atmosferası. Kendi pay alannar xa urguladılar,ani Kolada yortusunnan baalı konţert onnara deyni pek önemni, angısına hazırlanmaklar başladılar bir ay öncä.

«İsteerim saa ol sölemää batüşkaya — neçin ki onnarda var büük sabur, onnar bizä dayandılar, üürettilär da bäm isteerim, ani bu tradiţiya — bu konţertlär olsunnar hep — bän isteerim bemin uşaklarımda burayı gelsinnär onnar da bilsinnär nicä geçeer — şükür ederim insannarı, angısınnar geldilär bizim programaya  baktılar — saa olasınız».

Bu Büük yortunun önemnii için hem klisä okulun faydası için uşakların terbi etmesindä söledi Kıpçak küüyün klisä izmetçisi Födor Karakalçev: «Bu bizim adetimiz — var yakın 14 yıl — herbir islää iş ani isteersin yapmaa — herkeret zor olȇr — вырезать nekadar biz savaşȇȇrız, çalışȇȇrız sevindirmää insannarı — biz şükür ederiz bizim inmsannara ani küüdä bizim yaşȇȇrlar — onnarada sevinmelik getireeriz — savaşȇȇrız uşakların aazından üüreklerindän — ne yapabileerlär konţerttä — savaşȇȇrız onnarı getirsinnär küüdä yaşayan insannara, analara-bobalara».

Büünkü gündä Kıpçak küüyün klisä okulunda 200 uşaktan zeedä üürener. Kolada yortusunnan baalı konţert artık çok yıl sıravardır toplêêr uşakları, anaları-bobaları hem küüyün hepsi yaşayannarını.