Çadır kasabasının profesional uçilişendä geçti heryılkı eni yıl sergisi. Olayda topladılar studentlär, üüredicilär hem musaafirlär, kurup Eni Yıl kefini.
Sergiya üürenicilär türlü tatlılıkları çıkarmışlar, imeklär, eni yıl baaşışlarını hem simvollarını, iyuncakları hem taa başka meraklı tertipleri. Hepsi bunnar studentlerin ellerinnän yapılı. Tema — elbetki Eni Yıl. Bu sergi üürenicilär için oldu islää bur kolaylık göstermää kendi becermeklerini. Studentlar kendi duygularınnan paylaştılar.
«Önemni deyni o bizä deyni bir becermek. biz enii bişey yapȇrız, bizi üürederlär, biz savaşȇrız tutmaa akılımızda, üüretmää kimi sa, bizdä var ilk kurs biz üürederiz onnarı, kendi bilgilerimizi vereriz onnara, baaşlȇrız, üürederiz, onnar da bizi neya sa üürederlär».
Bölä Eni Yıl sergisi üüretim kurumunda diil bir yıl geçirlener. Üüredicilär nışannêrlar,ani bölä olaylar yardım ederlär studentlerä açılmaa, cuvaplı olmaa hem barabar çalışmaa.
Zoya Keleş master-instruktor: «Bakȇrız bu yıl nesoy, beygirin, atın yılı — o üzerä onu yaptık. Sora uşakların elelri buradan çok yakışıklı olȇrlar sora işlemää — neçin — biz yapȇrız türlü — türlü dekoraţiyaları duvarlarda da onadan uşaklar bilerlär hazırlamasını».
Bölä sergilär kurêrlar gençlerdà aktiv yaşamak uurunu hem üürederlär yardımcı olmaa biri-birinä.
Mihail Guboglo üüredici: «Uşaklar ellerinnän işlerlär,kendileri görerlär, ani onnar olȇrlar gözäl, insan isteer sorȇr hem da onnar vakıdı zanetmeerlär gezinmää, onnar işlerlär».
Yortu uurundan kaarä, bu serginin var soţial önemni eri dä — hepsi paralar , nicä nışannanêr, doorudulêrlar iilik yapmasına.
Evdokiya Çerneoglo ingliz dili üüredicisi: «Profesional uçilişemizdä bu eni yıl sergisi geçer her yıl. Sanȇrım, ani bu pek gözäl bir olay, onda uşaklar göstererlär ne onnar geçtilär bu yılın çeketmesindän, göstererlär kendi yapılarını. Bän sanȇrım, ani bu tradiţiya pek gözäl neçin ki hepsimiz bekleeriz gözäl nietlerimizi umutlarımızı kapȇrız geçmiş yılı hem kaarşılȇȇrız eni yılı».
Çadırdakı profesional uçilişendä üürener 604 student.