Gençlik hem sport bakannıı barabar «MOLDSİLVA» daa kurumunnan «Dünneya yaşamayı başla» akţiyasını geçirdilär. İlk ekologiya olayına  Komrat  zanaat uçilişesinin studentleri katıldılar. Akţiyanın neeti  Avtonomiyamızda zeedeletmää daaları ,gençlärlän barabar ekologiyamızı kurtarmaa.

 «Biz bu gün meşä aci tohumnarını ekeriz.Bu fidannar –yaşamanın kuvedi. Sayȇrım,bu akţıya pek önemli.Gençlär yapmarsaydılar bu işi –kim yapacek.Bizim grupa 23 kişi,hepsi kayıl oldu.»

 «Pek sevinerim,ani «Dünneya yaşamayı başla» akţiyasına katıldım.Gençlerä danışȇrım –herkezi gelsin. Biz yapmarsaydık,kim yapacek ».

Başküüyun kenarında zanaat uçilişesinin studentleri meşä acı tohumnarını ektilär. «Dünneya yaşamayı başla» akţiyası ilk iniţiativa, angısınnan  Gençlik sport bakannıı barabar «MOLDSİLVA» daa kurumunnan çıktılar.Plana koyulu  avtonomiyada taa 7 akţiya barabar geçirmää. 

Lübov Sakalı Gençlik hem sport bakannıı uzmanı: «Biz danıştık uzmannara bu olayları geçirmää.Onnar gösterdilär, neredä biz gençlärlän çalışacez. İlk katıldı Komrat   zanaat uçilişesinin studentleri»

Çoyu studentlär seftä katılȇrlar ekologiya proektlerinä.

«Bu akţiya pek önemli bizim devletimizä,kasabalarımıza.Boş toprakları eşillederiz,deyni büüsünnär büük gözal fidannar».

«Bän — Başküüyün yaşayanı, pek sevinerim, ani başladılar ekmää boş toprakları. Birkaç yıl geçecek,da burada çok fidan olacek. Biz gelecez bu büük hem gözal  daada gezinegez.

İş sırasında daa uzmannarı  akţiya pay alannarına gösterdilär, nicä dikmäk işlerini yapmaa.Nasıl kuüleri hazırlamaa, tohumnarı ekmää. Ekilmiş erleri Kongaz daa kurumun uzmanı Georgiy Panaitov bakacek, kontrol edecek.

«Nekadar taa çok gelecek gençlär,okadar taa ilin olacek .İnsan büük yaşta, gençlärlan taa ii. 3Lääzım hepsi korusun .Şindi daa bizä pek lääzım.Lääzım korumaa»,- Georgiy Panaitov söledi. 

Akţiyanın kurucuları nışannȇȇrlar gençlerin katkısını ,da umutlanȇrlar,ani barabar çalışmalar başarılı olaceklar. Akţiyanın geografiyası yıl yıldan  genişlencek bütün Gagaguziyada