Вaurçu küüyündä yolları enilederlär. Şindiki vakıtta 1 Маya hem Kutuzova sokaklarında şebönkayı erleştirerlär. Düzücülük işleri Gagauziyanın yol Fondundan finanslanȇrlar.
Asfaltlan döşeli yolların uzunnuu yakın 1200 metraya kadar olaceklar. Yolların genişlii 5 m, yapılan yolun kalınnıı — 16 см. Baurçunun primarı Sergey Tukan haberleer, ani erindeki Nasaatın kararınnan, yapılan yollar asfaltlan kaavileşeceklär.
«Bu sokaan yapması ilerleer. Onun yukarkı payını asfaltlan döşeyecez»,- Baurçunun primarı Sergey Tukan haberleer
Primarın söleer, ani smetaya görä, 2 mln. 220 ley tutardı. Tenderi geçrmektän sora, sayı 1 mln. 720 bin leyä düştü. Kaldıı paralar küüyün başka yoluna doorudulaceklar. 1 Маya sokaa yıllarca kötü durumdaydı, belli eder primar. 2024-cü yılda sokaan aşaadakı payı brusçatkaylan döşendi, bu yıl yolun yukarkı payı yapılȇr. Var olan sokak uşak başçasına hem mezarlaa götürer.
«Sokak 2-ci yaslaya götürer, ona yakın 100 uşaadan gezer».
Düzücülük kompaniyasının injeneri Pötr Bȇtrınak yolun tehnologiya tarafından sırasını açıkladı.
Pötr Bȇtrinak düzücülük kompaniyasının injeneri: «Yolları kabardıp – dooruttuk. Şindi iiri şebönkayı döşeeriz, sora taa ufak taşları döşeyecez, nedän sora 6 sm asfalt döşenecek».
Küüyün yaşayannarı sayȇrlar, ani yolun yapılması çoktan lääzımdı olsun.
«Bu sokakta 1982 yıldan yaşȇȇrım, yol 18-20 yıl yapılmadı. Transport uşak başçasına kalkınamardı. Yol pek prosttu».
«Biz artık yaşlı insannar. Örümää dä, maşinaylan da gezmää zor».
İşleri yapan kurum yolları başarmaa kasım ayın ortasınadan adȇȇr bitirmää.