Moldova devletin yaşayannarı 2026 -ci yılda var nasıl ofiţial satın alsınnar sigorta stajını pensiya için, erli onnara etişmärsaydı yıl çıkmak için pensiyaya yıllara görä. Soţial sigortalamak Moldova devletindä verer kolaylık kompensirovatetmää etişmeyan yılları, bu sırada geçän vakţt için da, ne doorudan verer hak pensiya için hem da pensiya ödemeklerin sayısına.
Moldova devletin yaşayannarına, angılarına etişmerlär işlenmiş yıllar çıkmak için pensiya zamanına, var nasıl ofiţial kompensirovatetsinnär etişmeyen yılları, yapıp annaşmayı Millet soţial sigortalamak kasasınnan. Bölä kolaylık bakılı insannar için, angıları nesoysa sebep için ödämedilär pensiya için ödemekleri Moldova devletin soţial sigortalamak kasasına, örnek gibi deecez — o üzerä, ani işledilär sınır aşırı başka devletlerdä, haberleеr esp.md.
2026 yılda stajın bir yılın paası kurȇr 22 bin 878 ley. Bu parayı var nasıl ödemää, nicä bi8irdän bütündän, ölä da parçä — parçä. Var nasıl ödemää sade bu yıl için hem da geçmiş yıllar için, ama öncä ödemää gelän yıllar için — yok nicä. Fizik insannar için — biznes adamnarı için yada çiftçi erlerin arendatorları, angıları işlettirerlär topraa kendi başına, onnar için var lgota tarifi. Bu insannar için bir yılın paası kirȇr 5827 ley. Yapmak için annaşmaları lääzım danışma kendi yaşamak erindä soţial sigortalamak kasasına. Yaşayannara, angılarında pensiya yok, onnar yok nasıl kullansınnar bu mehanizmayı. Moldova devletindä kabletmäk için hakı bütünnä pensiya için yıllara görä lääzım olsun işlenmiş 34 yıl, nicä adamnara, ölä da karılara.
Diil bütündän pensiya için — minimal staj lääzım olsun 15 işlenmiş yıl. Erli işlenmiş yıllar taa azsaydılar 34 yıldan, ama diil taa az 15 yıldan — onnar için bakılı diil bütünnä pensiya işlenmiş yıllara görä. Ama erli yoksaydı minimal işlenilmiş yıllar, o zaman insanın var hakı kabletmük için sade soţial posobiyayı büük yaşta insannar için, angısı kurȇr Moldova devletindä minimum pensiyanın yarısını.