Personal asistentlerin bölümü için soruş bu yılın süresindä pek sık açıklanardı. Şindi avtonomiyanın kuvetleri buldular çıkışı.
Gagauziyanın bücetina 2024 — cu yıl için, personal asistenrtlerin kazanç parası diildi koyulu. İlkyaz zamanın çeketmesindä Gagauziya Halk Topluşun deputatları kablettillär kararı koymaa bu neetlär için 8, 6 milion ley. Personal asistentlerin bölümü kuruldu hükümetin soţial iniţiativasına görä, da tutturuldu devletin bucetindän. Cümnä seslemeklerin süresindä, angıları geçti Komrat kasabasında, bu konu için peydalandı çoyu soruşlar hem bakılmaklar.
«Biz annȇȇrız, ani lääzım yardım etmää bu insannara. Onnar kolaylıksız insannarı bakȇrlar, kendi yakın insannarı. Biz lääzım yardım edelim taa ileri ödemää»,- nışannadı Grigoriy Dülger, GHT deputatı.
2025 — ci yılına soţial bölüm için «Personal asistenti» programaya görä 250 kişi plana koyulu hem 22,5l mln. ey. Gagauziya Baş finas bakannıın başın Tatyana Doyçevanın laflarına görä, yılın süresindä diil bir sıra vardılar danışmaklar türlü kurumnara yalvarmaklan geçirmää paraları finanslamak için çalışan personal asistentleri.
«Lääzımdı bütün yıl için kendi bücetimizdän ödeyelim. Gelän yıla koyduk bu sayıları. Olarsa diişmeklär , biz dä yollandıracez devlet bücetindän paraları bu neetlerä»,- söledi Tatyana Doyçeva.
2024 — cu yılın büük ayın 1- dän kuvedä girdi «Restart» reforması, angısı doorudulu soţial yarsdımına. Bitki — bitkiya soţial bölümnerin zaametçileri kaldılar kazanç parasız, nışannadılar avtonomiyanın kuvetleri.
«Biz yaptık ölä, ani bu insannar kabledeceklär bu yardımı. Bakmayarak başka dolaylara bizim regionda insannar kabledeceklär»,- nışannadı Ȇdgar Dimov, Gagauziya Saalı- Korumak bakannıın öndercisi.
Personal asistentlerin bölümü kurulu neetlän — tutturma kolaylıksız insannarı. Bu koşullar doorudulu üüseltmää yaşayannarın yaşamanın uurunu, angılarına yardım her gün lääzım. Biz yok nasıl esaba almamaa bu yaşayannarın kategoriyasını, çizgiledilär Gagauziyanın hükümetin uzmannarı.
