Gagauziya okulların üürenicileri gumanitar, nanotehnologiya, incäzanaat, haber tehnologiyalarınnan baalı proektleri çalıştırdılar. Onnarı da juri notaladı. Seçildii proektlär konferenţiyanın sırasında N.Tretyakov adına liţeyindä teklif edildilär.
Aaraştırıcı, komunikativ, kreativ becermeklerini üürenicilär inovaţiya proektlerindä kullandılar. Avtonomiyanın baş davası – genç talantları tutturmaa, söledi Üüretim bakanı Natalya Krtisteva: «Bu olaya okullar bütün yıl hazırlanȇrlar. Uşakların kimileri aaraştırmaklarını ilerlederlär, belli ki bizi bu sevindirer. En onemli o, ani meraklı soruşlara gençlerimiz kendileri cuvapları bulȇrlar. Bu onnarı ilk kendibaşına adımnarı».
İoan Predteçi adına klisesinin istoriya, arhitektura hem kultura özelliklerini aaraştırdılar N.Tretyakov adına liţeyin üürenicileri üürediciylän Natalya Kravţovaylan birliktä.
«Uşakların teklifinä görä bu proekt geliştirildi. Uşaklar taa çok istedilär Komradın soboru için bilmää. Çok meraklı fakt üzä çıktı. Uşaklar aaraştırmakları geçirdilär»,- Natalya Kravţova söledi.
Butakım olaylar eni yolları, bilgileri bilimcilik, istoriya, kultura uurundan açȇrlar, söleerlär Üüretim bakannıın uzmannarı. Sonda 200 proekt teklif edildi.
Moldovanın hem Gagauziyanın en mekalı haberleri GRTnın Telegram kanalında!