Moldova kış vakıdına canavar ayın bitkisindä geçer. Diiştiricez mi biz bu yıl saatları bir saada geeri, yada kalacȇz ölä, bu günnerdä kararlayacȇklar Moldovanın kuvetleri.

Gelän dinnenmäk günnerindä Moldovada lääzım çevirilsin saatlar  kış vakıdına. Nicä  bu belli ediler  insanın saalında annattı Komat saalık merkezin başı İrina Todorova.

«Kış zamani diil islää belli eder kendisini insanın saalında.  Yaşayannarda yok kuvet hem energiya. İnsannara lääzım açık hem günneşli hava”,  -söledi doktor.

Saatların geçirimesindän sora debreşerlär hronik hastalıkları. Yaşayannar  annattılar nicä duyȇrlar kendilerini bundan sora.

«Biz sınaştık bir vakıda, şindi olacȇk başka vakıt. Dolaşmak olȇr».

«Bana hep okadar. Bän oturȇrım evdä».

İlktän saatları geçirmää nasaat ettillär taa  1784 yılda .Yolä kararı kableti Amerikanın büükelcisi Franţiyada Bendjamin Franklin  deyni taa az mumları yakmaa. Bu vakıtta lääzım taa dikatlı olmaa kendi saalıına, taa çok dinnenmää, söleer doktor.

«Lääzım imää taa çok faydalı imekleri  hem taa az tatlılık imää”, — nışannadı  İrina Todorova.

Devletin kuvetleri birkaç sıra denedilär vazgeçmää saatların çevirmesindän. Bitki denemäk bu yil ilkyazın oldu.