A.Romanov  Djared Vanderlan düüştä ensedi. Turnir UFS Vegas 39 hem düüşün 2-ci raundunda başarıldı.

Moldovanın güreşçisi Aleksandr  Romanov  karışık güreş stilinnän anılȇr, bitki vakıt UFS kurumunda en aar kategoriyada pay alȇr. Bu düüş  Romanova deyni oldu 15-ci hem 4-cü UFS uurunda. Düüş 10 minutta tehnika nokautunnan başarıldı.

ALEKSANDR ROMANOV, karışık stildä güreşçi: «İlkin pek duyguluydum, başta bakındık  konkurentin hazırlılık uuruna, tehnikalarına. Biz pek çok hazırlandık bu düüşä. Üürendik çok eni urmak tehnikalarını. Sanȇȇrım, ani kim şindiyädän siyretti, esap aldı, ani bu düüş biraz ayırıldı. En ilkin bän ayakça düüştüm sora yatıkçaya geçtim».

Aleksandr annattı, ani herbir düüş kendiycesinä zoor. Pek çok çekiler diil sade ondan nesoy sän hazırlanȇrsın, ama  o kişidän, angısınnan düüşersin. Ama bu iştä büük yardımı verer trener. Aleksandr Romanovu Ȇduard Kösä hazırlȇr. Onun laflarına görä sade 24 saat gündä işläärkenä bu başarılara çıkmaa var nicä.

ȆDUARD KÖSÄ, A.Romanovun treneri: «Bu işin yardımınnan bizim sayımız 15:0 oldu. Eer bölä ileeri dooru da gidärseydi, biz çempion olacȇz».

Aleksandr Romanov  hem Ȇduard Kösä teklif ederlär ana-bobalara uşaklarını sportlan zanaatlanmaya versinnär.

ALEKSANDR ROMANOV, kaarışık stildä düüşçü: «Verin kendi uşaklarınızı kızlarınızı, çocuklarınızı sport sekţiyalarına.  Orada onnar kendilerinä dost bulacȇklar hem onnarın saalıkları da taa islää olacȇk».

ȆDUARD KÖSÄ, A.Romanovun treneri: «Sport pek büük disţiplina verer. İnsan yaşamasında kendisini lääzım bulsun».

Seftä UFS uurunda A.Romanov 2020-ci yılda düüşmää başladı.