Gagauziyanın şannı jurnalisti Anna Jekova pek çok yıl verdi Büük Vatan Cengindä pay alannarı belli etmää hem bulmaa. Laf gider o askerlär için, angıları Komrat kasabasını faşistlerdän kurtararkana geçindilär.

İşlärkänä Leninskoe Slovo gazetasında Anna Nikolaevna kableder izin cenk hem patriotika temalarına materialları yazmaa. Ozaman o ilk sıra başlȇȇr düşünmää insannarın cannarında cenk acısı için hem Komradın kurtarılması için cannarını verän askercilär için.

Bu olaydan sora Anna Nikolaevna derindän başlȇȇr araştırmaa bu temayı da bulȇr 27 askercinin adlarını, angıları Komrat için geçinmişlär.

Yıllar boyunca Anna Nikolaevna arȇȇr bu kahramannarın senselelerini. Çoyu onnardan sora gelerlär kendi uşaklarının. Kocalarının gömüldüü erlerinä.

Diil çoktan Anna Nikolaevna düşündü geçirmää Komratta Bessmertnıy Polk akţiyasını kasaba için geçinmişlerin evladlarınnan. Büünnän –büün Anna Nikolaevna tenä-tenä Büük Vatan Cengi için bilgieri toplȇȇr. Hepsi bu materialları o isteer ayırı bir kiyat gibi tiparlamaa.

 

Tekst: A. Terzi, video: A.Lesçinskiy, montaj: M.Kazaku