Moldovada COVID-19 viruslan 20 hastanın halı aar, bildirdi devletin saalık bakanı Viorika Dumbrȇvänu büün mardın 25-dä brifingta. Bu 20 hastadan üçü bulunȇr respublika bolniţasında, 17 dä Toma Çorbȇ adına bolniţasında.

Kişinöv uşak infekţiya bolniţasında 8 uşakta koronavirus hastalıı bulundu. 4 uşaan halı orta aar olarak tanılȇr, 6-sının durumu orta. Şüpe altında bulunȇr taa 18 uşak, haberleer tv8.

Bütündän devlettä 125 insan hasta koronaviruslan. Onnardan 45 kişi viruslan geldilär İtaliyadan, Franţiyadan, Britaniyadan, Şveyţariyadan Rumıniyadan, Ukrainadan, Russiyadan hem Çehiyadan, 80 kişi dä ulaştı Moldovada. En çok hasta belli oldu Kişinövda.

“Kişinöv – 32, Hınçeştı – 18, Kauşanı – 5, Ştefan – Vodȇ — 4, Yalovenı – 3, Aneniy Noy – 3, Soroka – 3, Sıncerey – 2, Şoldȇnȇşti – 2, Kantemir hem Rışkanı kasabalarında da var hasta. Pridnestrovyedä dä var 6 hasta insan”, — açıkladı saalık bakanı Viorika Dumbrȇvänu.

Bütünnä aaraıtırıldı 1011 kişi. Doktorlar gözlederlär taa 116 insanı, angıları vardı nicä ulaşsınnar koronaviruslan.