Gagauziyanın doktorları bulunȇrlar Türkiyedä üüretim vizitinnän. Onnar pay alȇrlar Türkiyenin saalıı korumak bakanıınnan gerçeklenän halklararası üüretim programasında, haberler Gagauziyanın dışişleri bakannıı kendi saytında.

Saalıı korumak bölümün uzmannarın üüretim programası geçer ceviz ayın 1-dän 14-nadän Türkiyenin İzmir kasabasının yanında bulunan Urla kasabasında.

Programada pay alȇrlar 3-çär kişi Gagauziyadan, Tatarstandan, Başkortostandan, Çuvaşıyadan, Tıva respublikasından, Sahadan, Altaydan, hem taa çok başka devletlerdän. Bütündän programaya katılȇr 48 doktor.

Gagauziyadan doktorların bu programaya katılması oldu Türkiye hem Gagauz Eri kuvetlerin arasında barabar çalışmalarına görä, yazılı dışişleri bakannıın haberindä.